كلمات من قلمي

كلــــــــمــــــــات من قلبي
ــــــــــــــــــــــــــــــــــــــــــــــــــــــــــــــ

لو خسرتك ما خسرت العمر والدنيا متاع ،،
وادري اني لو خسرتك ما خسرت إلا القليل ..


بس فكر زين تعرف من خسر فينا وضاع ،،
وتعرف انك لو تلف الأرض وتدور بديل ..


والله ان تبطي ولو لفيت كل البقاع ،،
ولو تسوي شو تسوي ما انت لاقي لي مثيل ..


وين تلقى مثل شخصي شخص وطباعي طباع ،،
و وين تلقى مثل قلبي قلب أو مثلي خليل ..


البشر واحد نعم لكن فرق الانطباع ،،
يجعلك يمي تميل ويم غيري ما تميل ..


يا رفيقي انتبه وأحسن لي " الاستماع ،،
للمواقف دور في كشف المزيف والأصيل ..


و انت ما قصرت فيني موقفك جدا شجاع ،،
طعنتك في الظهر فعلا كانت اثبات ودليل ..


بيض الله وجهك اللي ساتره تحت القناع ،،
ورايتك بيضا معاي ويا عسى عمرك طويل ..


يعني أعطيك الثقة وتردها بلوي الذراع ،،
يا أخي ما شاء الله عليك أبدعت في رد الجميل ..


مدري كيف أشكرك مدري !كيف أرد الصاع صاع ،،
كنت أحسب انك عزيز لكن شو جاب لجاب ..


كم وأنا تعبت اصدق فييييك قدر المستطاع ،،
من غبائي كنت أسكت وأعذرك واثر الحصيل..


جرح قلب ميزته في كل يوم الاتساع ،،
ودمع عين ينهمر من ضيقتي في كل ليل ..


والله اني كنت ' أحبك حب واتبعك اتباع' ،،
كنت لجل أرضيك كنت أسوي المستحيل ..


كنت عمياء فيك ~~ للنخاع ،،
كنت مدري كيف ؟
لكن كنت والله صادقة معك حيل ..


كنت أمارس في غرامي لك سياسة الانصياع ،،
وكنت لاغيه معك فكرة أعتزل أو استقيل ..


اندفعت بكل ما فيني وسوء الاندفاع ،،
يجبر الانسان أحيانا يفكر بالرحيل ..

صدمتي فيك انت خلتني افكر باقتناع ،،
ان قتل النفس راحه لوانا كنت القتيل ..


انفجر راسي من التفكير وازداد الصداع ،،
كيف انا بافتك من جرحك ودوشة 'قال وقيل' ..


صرت سيره في حلوق الناس وتالي هالضياع
أنتحر؟!
معقول ..
يالله وش هذا الغليل ..


رحمتك يارب لامن ضاقت امنحني وساع ،،
انت حسبي في الزمان الجاير ونعم الوكيل ..


لاغدى مستقبلي والماضي أطراف النزاع ،،
وصفحة الماضي سواد وشيء من هذا القبيل ..


لازم انسى لجل أنهي بداخلي هذا الصراع ،،
ولازم أتقوى عشان أحقق النصر الجليل ..


وطالما ان الهجوم افضل وسيله للدفاع ،،
مستحيل أرضخ لو ان الحمل يا ربعي ثقيل ..


والبخيل اللي نساني واشترى فيني وباع ،،
يذلف الله لايرده والله بجرحي كفيل ..


وان سأل عني وجاكم بعد فترة انقطااع ،،
علموه اني نسيته وقولوا له شو جاب لجاب ..


طالما كان السبب في قوتي قبل الوداع ،،
بلغوه أقل شي بخاااالص~
الشكر الجزيل